"This column is a no-judgement zone where mi jus talk mi mind and give mi advice!"

The perfect blend. The perfect situation. We have an understanding like no other in our relation. We don't even need conversation. We thrive on constant intimate anticipation ... Mi naah lie ... mi life sweet!

To be this man's side piece is a treat!

Me serve my purpose, he serves his.

It cyaa get betta dan dis!

She ah him daily standing fan while me ah him AC unit

She provide a constant cheap service, but when him turn me on him haffi pay fi it!

She govern di home while me govern him temple.

Nuttn nuh complex bout wi ... it very simple.

Although shi nuh know mi ... shi fi thank mi!

Cuz ah me ensure him nuh stray too far from him yaad!

Wid di amount ah temptation wha man experience outta road it hard!

Suh she fi gi mi ratings for being his physical an official bodyguard!

Mi nuh know how some woman duh it!

How unnu keep one man?

Man ah too much drama, mi prifah share dem!

Mi tease, please and leave dem!

And when mi inna di mood again, mi jus page dem!

Like cards inna deck, mi cyaa get bored because mi always ah re-arrange dem.

Mi nuh have time fi ah full-time man ... mi already have a full-time life!

Suh unnu can tan de run-dung di title of wife!

I find mental peace in being Mrs Side Piece!

Feel free to chat with me by Emailing me: keepingitrealrennae@gmail.com; Tweet me: @ladyrennae

Instagram: @ladyrennae vq