Stress wha?!

Stress who?!

Mi jus ah easy an ah laugh an guh thru!

Yuh ah pree me? ... Gwaan enjoy di view!

Mi still jus ah easy an ah laugh an guh thru!

Yuh ah chat bout me? ... Do wha yu haffi do!

Mi still jus ah easy an ah laugh an guh thru!

Poor you ... yuh doa av ah clue!

Yuh mek badminding me your job ... when mi not even si you!

I hope yu get paid do what yuh do!

Mi still jus ah easy an ah laugh an guh thru!

Dem try slander yuh name, bring yu to shame

Do all in dem power jus fi get likkle fame!

Nuh mek dem draw yuh out ... jus gwaan buil' an tame!

Cause nobody naah mek yuh lose focus or mek yu come outta yuh lane!

Ye yuh coulda dun dem and easily end dem

But jus gwaan easy an laugh an guh thru!

Yuh si me ... many things I've been thru

That's why mi use writing fi tell my truth

As simple as yuh si mi, mi coulda choose badniss too

Cause mi nuh really like people because ah di wicked tings wha dem constanly choose fi do

While mi look innocent and sweet, stay to mi self, silent and discrete ... everytime mi lef home, mi coulda ah walk wid ah chrome.

But Jah av a different plan fi mi; guiding me to become di inspiration I'm destined to be

Suh mi jus ah use up mi talents, easy an laugh an guh thru!

Many whaa fi upset yuh!

Bring yuh down to dem level fi try ovatek yuh!

Dem try cute ways fi disrespect yuh!

Plan secret strategy fi try wreck yuh!

But doa mek dem affect yuh!

Use yuh power. Doa lose yuh power!

Always memba who you and what you're about

Nuh mek eediat affect yuh wid dem mouth

Doa mek di noise and actions of ah mongrel affect di peace, calm and strength of ah Lion.

Upset dem wid yuh joy and depress dem wid yu laughter

Mek wi jus gwaan easy an laugh an guh thru!

Feel free to chat with me: Twitter @ladyrennae. Instagram @ladyrennaevq