Bless up all Tambourine Fambily massive an all Ragashanti Live listeners ova www.tambourineradio.com.

Straight to di mix-up dem:

Fry Akee

Mixup, bigup to di woman who did a try fry raw akee inna olive oil fi har man. Di man lef har.

Bunna Gyal an Di Car

Mixup, bigup to di big man weh buy car gi a catty an see a young bwoy a drive it, an stop di car an tek it weh fram di young bwoy. Di bwoy goh tell back di catty an she get bex an move to di man fi get back di car. Di man ask har how she fi do a ting like dat an goh mek bwoy a drive di car weh him buy fi har?? Di woman responded dat it shouldn't matta to him who a drive di car, cause it was now HER car, an she free fi mek whoever she waan drive it ... worst lakka how a har juju an sort out mek him buy it fi har, an because him married. Di man say dat cyaan work. Di woman jus get bex an back off har shoes an gi di man a rahtid beaten!! Buss him up!! Tek weh di car key an mek him know say if him hype she a goh tell him wife wah goh soh an wa nuh goh soh!!

Di man again see di young bwoy a drive di car an jus hol him cawna. Not even a word outa him mout.

Peeping Tom get acid inna him yeye

Mixup, bigup to di white man weh drill hole fram fi him apartment into him Jamaican female neighbour bathroom inna a separate apartment, jus soh him can watch har wen she a bade an a pee-pee.

Di Jamaican woman find out an dash acid inna di hole wen him a watch har an bun up him nastiniss!!

But di man report it an police lock har up an say she still shouldn't cause di man such serious bodily harm.

Killa Swipe

Mixup, bigup to di man weh get di first headas from him wife inna di 69 position. Di last ting him memba was she a say 'baby me a cum'. Di nex ting him realise, a emergency health professionals a work pon him fi save him life.

Him wife is a squirter an she flood him nose wid di good-good an it knock him out an nayly drown him!!

A real ting mi a tell unu ... di dawg buss it pon mi radio program weh name 'Outa Orda'.

Jah know star ... di juju nayly kill di bredren.

Anyways, a cut me a cut ya now. Sen mi unu mixup dem at

tambourineradio@gmail.com.

Mi naa fahwud till di New Year ... caa di nex two Thursdays a Crismus an New Years an di Star naa publish dem days deh. Soh unu jus enjoy unu holidays, rinse some shell dung sort out, an tek cyere a unu self an unu loved ones.

We a goh tun up di ting nex year!!

Bless up unu self.