The summer is back, back, back! It's a holidaaaaaaaaay! Yes, people, a summer time. Time fi short shorts and summer dress!! Memba say if unuh brassiere strap nuh clean, don't badda wear spaghetti strap dress! And if you cannot hold in a the shorts, don't squeeze up in dere and frighten we eye sight. A Latty Goodaz dis! A me say Talk Yuh Mind!!

Killer, yuh need fi purge yuh circle

Born as a sufferer, strive as a sufferer ... Bounty Killer aka Grung Gad Zilla, you need fi purge yuh circle. Imagine, Killa nuh get back him visa yet so a bere small island him a travel go, and him owna bredda gone over deh gone tief phone.

Me know say life nuh so hard fi Bounty him bredda cudda beg him buy him a phone. Of all di tings dem fi thief is a phone him go thief. A better yuh did tek some towel out a di hotel cuz nobody nah miss dat. Bounty, purge yuh circle. Say a Psalm, spin yuh roll, and rebuke all evil from round you.

Me hope you get back yuh visa soon and me hope you hair start grow. A full time now.

Lef di pickney dem alone

Unuh tuff turbit man a get out of hand. Big crusty lab tech a sleep wid schoolaz. Unuh too nasty!! Unuh too disgusting!!

Look how much big woman out a road! Some a unuh schoolaz need fi know how to be children. Stop run dung big people tings and go tek unuh book.

A who shoot up di artiste car?

Mi nuh too know who name Radijah, but him claim say him is an artiste. Anyway, dem shoot up him car wha day ya and him say is because him music career a pick up likkle speed again.

WHERE?? Which country? Me nuh agree wid people a shoot up yuh car, but don't bring that excuse! Me hope you find a who shoot offa you, and me hope dem prison him! Big up yuhself! Me a go YouTube yuh name ya now so me can see wha you sing.

Strictly tin boom and rice, no shark

So we move from selling rotten Riverton meat to shark meat? Wha next lef fi we sell?? One thousand dolla a pound fi nyam shark?

If me a buy meat fi dat price, di shark betta can talk to mi before mi cook it. Unuh know how $1,000 hard fi come by? Strictly tin boom and rice to mi ting.